تستمر الأزمة بين أحمد حسن كوكا وبين أحمد حسام ميدو بسبب تعليق الأخير الذي “استفز” اللاعب الدولي كوكا، مما دفعه للرد عليه عبر موقع تويتر وننقل لكم الردود كاملة بعدما بدأت المشادات من خلال تعليق ميدو على على مستوى أحمد كوكا قائلًا: “مهاجم متواضع لا يصلح للمستوى الدولي حتى ولو احرز 1000 هدف”.
رد أحمد حسن كوكا
ومن جانبه رد كوكا عليه قائلا: “مهاجم متواضع؟ أولًا هو انت اصلا مين طلب رأيك؟ ثانيًا انت مبطل كوره وانت عندك 29 سنة و كل الناس عارفه ليه، ثالثًا لو رقم الاهداف اللي أنا جايبه شايفه قليل ماجبتوش انت ليه، مع إن اللي بيلعب في نادي أكبر فرصه بتكون أكتر في التسجيل، رابعًا حاولت تبقي مدرب ومبتكملش شهر في أي نادي”.
وأضاف كوكا: “أنا عارف أن أكبر غلط أني أرد عليك وانت فاضي و عندك برنامج تتكلم فيه كل يوم بس أنا برده مش هيهدني كلامك و هفضل في طريقي، مركز في مستقبلي ومش عايز حاجه من الناس بعد ما أبطل كورة وبعد لما اموت غير السيرة الحلوة”.
وأنهى كوكا تعليقه: “خامسًا بتحاول تبقي اعلامي و تتكلم عن ده وده عشان تبقي تريند بأي شكل، أي حاجه عايز تدخل فيها، ده حتي صلاح في أول مشواره كنت بتتكلم عليه وحش، الحقد عالي أوي عندك من زمان وانت بتتكلم وحش عني”.
رد ميدو على تعليق كوكا
ورد ميدو على تعليق كوكا قائلًا: “عمري ما روحت المنتخب عشان مناسب حد مهم، أنت عارف كويس أنت بتروح المنتخب ليه، رد في الملعب حاول تروح المنتخب ليه”، وتابع ميدو قائلًا:”رد في الملعب وحاول تروح الملعب، أنت لاعب تعبان وكل مؤهلاتك نسبك وأنت عارف ده كويس”.
وأضاف ميدو: “أنا عمري ما لعبت في دويات الألاضيش اللي أنت بتلعب فيها، مصر كلها بتقول عليك لاعب على ما تفرج، مش أنا بس، وتاني أنت عارف كويس وأنت كنت بتروح المنتخب ليه”، .واختتم ميدو قائلًا: “أجيب سيرة حلوة إزاي وأنت ما بتعرفش تلعب، مفيش حد هيجيب سيرتك لا بالحلو ولا بالوحش”.