لا تنفك الأزمات تنتهي بسبب التعليقات والإنتقادات التي يواجهها لاعبي كرة القدم وخاصة من المحترفين، وعلى غرار هذه الأزمات فقد اندلعت أزمة جديدة بين مهاجم منتخب مصر اللاعب أحمد حسن كوكا، المحترف في نادي قونيا سبور التركي، وبين نجم الزمالك ومنتخب مصر السابق أحمد حسام ميدو، وذلك بسبب تعليق كتبه الأخير على تغريدة عبر موقع التواصل الاجتماعي “تويتر” على مستوى أحمد كوكا: “مهاجم متواضع لا يصلح للمستوى الدولي حتى ولو احرز 1000 هدف”.
ومن جانبه رد كوكا عليه قائلا: “مهاجم متواضع؟ أولًا هو انت اصلا مين طلب رأيك؟ ثانيًا انت مبطل كوره وانت عندك 29 سنة و كل الناس عارفه ليه، ثالثًا لو رقم الاهداف اللي أنا جايبه شايفه قليل ماجبتوش انت ليه، مع إن اللي بيلعب في نادي أكبر فرصه بتكون أكتر في التسجيل، رابعًا حاولت تبقي مدرب ومبتكملش شهر في أي نادي”.
وأضاف كوكا: “أنا عارف أن أكبر غلط أني أرد عليك وانت فاضي و عندك برنامج تتكلم فيه كل يوم بس أنا برده مش هيهدني كلامك و هفضل في طريقي، مركز في مستقبلي ومش عايز حاجه من الناس بعد ما أبطل كورة وبعد لما اموت غير السيرة الحلوة”.
وأنهى كوكا تعليقه: “خامسًا بتحاول تبقي اعلامي و تتكلم عن ده وده عشان تبقي تريند بأي شكل، أي حاجه عايز تدخل فيها، ده حتي صلاح في أول مشواره كنت بتتكلم عليه وحش، الحقد عالي أوي عندك من زمان وانت بتتكلم وحش عني”.