علق إبراهيم حسن، مدير الكرة لفريق الاتحاد السكندري، على أداء المنتخب المصري مع البرتغالي كارلوس كيروش، قائلا: هو فين الأداء، إيه الجديد إيه إللي اتعمل، كانوا سابوا بقى كابتن حسام البدري أحسن، هو فلوس ودولارات على الفاضي”، مضيفًا لنجم النادي الأهلي محمد بركات خلال تقديمه برنامج “الريمونتادا” المذاع على قناة المحور: هقولك على حاجة يا بركات، الراجل ده قعد معاه مانويل جوزيه وفينجادا، وقالوا ادبح للشعب ده القطة، زي ما مانويل جوزيه عمل في مصر”.
تصريحات نارية من إبراهيم حسن لـ كيروش وأدائه مع المنتخب الوطني
وتابع مدير الكرة لفريق الاتحاد السكندري: الناس قالوا له اتعامل مع الإعلام إزاي، وفي الآخر هتركب، هو عمل كده عمال يعمل أي حاجة في أي حاجة، هل تعلم يا بركات إن فيه مدرب أو مدير فني بيلعب بأربعة لاعبين رأس حربة، متشابهين في كورتهم واستايل لعبهم، ويلعب بيهم في مباراة المنتخب الوطني أمام أنجولا”، مستنكرا الدفع بأحمد ياسر ريان ومروان حمدي في مركز الأطراف والدفع بمحمد صلاح في مركز المهاجم الحر، على أساس إيه”.
إبراهيم حسن عن قائمة المنتخب الوطني: فين زيزو فين رمضان صبحي
وأشار إبراهيم حسن، مدير الكرة لفريق الاتحاد السكندري، إلى أن المدير الفني لمنتخب مصر، لم يأخذ في القائمة لاعبين في مركز الجناحات، كل اللاعبين مهاجمين، متابعا: هو كده إذا كان عاجبكم، ومحدش يقدر يتكلم معاه، فين الجناحات، فين رمضان صبحي أحسن لاعب في مصر، فين أحمد سيد زيزو، أحسن لاعب في مصر، فين الناس دي، ليرد محمد بركات: “قصدك أن أنت مش راضي عن الأداء الذي يقدمه كيروش مع المنتخب الوطني، ليرد إبراهيم حسن: فين الأداء ما أنا مش شايف أداء، مفيش حاجة جديدة اتعملت، مش كل شوية نقول يارب علشان الناس بتوع القرعة يجيبولنا فرقة مهجورة أو ميتة علشان نصعد كأس العالم، المفروض إن الـ 9 فرق تدعي إنها ما تقعش مع مصر، زي زمان والمستوى القوي الذي كان يتمتع به منتخب مصر، لكن بالمستوى ده مش ها تعمل حاجة”.