هاجمت الفنانة سمية الخشاب، أحد متابعيها وذلك بعد مطالبته بوأد البنات،حيث كتب أحد المتابعين: إحنا نرجع وأد البنات عشان حواراتهم كترت”، وجاء هذا الرد على سبيل المزاح وليس المقصود الحقيقي من وأد البنات كما كان يحدث في الجاهلية، وجاء رد سمية الخشاب بقوة، عبر تغريدة على حسابها الرسمي على موقع “تويتر” : “دمك خفيف جدًا مش قادرة، الهزار في الحاجات دي بيدل أنك لسه مطلعتش من الجاهلية أنت وإللي زيك، بتحاولوا تنشروا فكرة أن البنات أقل من الأولاد وأنهم أقل كفاءة وكده، عايزة أقولك ضفر أى بنت بـ ١٠ من عينتك”.
رأي سمية الخشاب في زواج الصالونات
وفي صعيد آخر انتقدت الفنانة سمية الخشاب، زواج الصالونات، عبر حسابها الشخصي على موقع «تويتر».
وقالت الخشاب: «جواز الصالونات يعد أفشل نوع جواز.. مش عارفة ازاي ممكن واحدة تتجوز واحد مشافتهوش إلا كذا مرة؟».
ورد عليها أحد متابعيها وكتب: «أمال الخطوبة لزمتها إيه يا فنانة؟.. بتجودي على الدين من بعيد لبعيد ولا إيه؟«، فردت عليه وكتبت: «ليه هو كل الناس بتعمل فترة خطوبة؟.. انزل ادخل أي بيت تقليدي هتلاقي كتب كتاب وجواز على طول.. مش كل الناس بتعمل خطوبة أنا بتكلم على الأغلبية للأسف».
وسأل شخص آخر سمية، وكتب لها: «آاه والله بس هسأل سوأل.. ازاي الحاج متولي كان بيحب 5 ستات؟»، وردت سمية: «طفاسة بعيد عنك.. أنا اعرف ناس بتحب 3 في نفس الوقت وبتكلم الـ3 في نفس الوقت، والـ3 مساكين مش عارفين حاجة».
جواز الصالونات ده يعتبر افشل نوع جواز مش عارفه ازاي ممكن واحده تتجوز واحد مشافتهوش إلا كذا مره.