خلال كلمته أثناء حفل افتتاح مصنعين بمجمع الصناعات الكيماوية بأبورواش في الجيزة، تطرق الرئيس عبد الفتاح السيسي، رئيس الجمهورية، إلى الحديث عن الزواج موضحًا أهم شروط عقد الزواج في قانون الأحوال الشخصية الجديد، وأضاف السيسي قائلاً «في ناس سمعت مني الكلام ده، قولتلهم فكروا أنكم متخلفوش في أول سنتين تلاتة، فالناس فكرت إني بقولهم كدا عشان أنظم النسل، لا الشاب والشابة كانوا في بيوت أهاليهم في أب بيشيل وبيراعي سواء للشاب أو الشابة، وهم بقى راحوا بيت تاني خالص شكل تاني خالص اديهم فرصة يعيشوا بس يتفقوا مع بعض ويقدروا يتحملوا مسار الحياة لمدة سنة ولا اتنين إن لاقوا نفسهم قادرين يخشوا على المرحلة اللي بعدها الإنجاب، ولو لا قدر الله مش قادرين يبقى التكلفة عليه وعليها أقل ما يمكن».
وأشار الرئيس السيسي إلى ضرورة إجراء الكشف الطبي للعروسين قبل الزواج قائلاً: «ده سلامة عقد والعقد مبني على الشفافية والمصداقية، وبالتالي كل ما العلم يتقدم ويديني فرصة أقدر أحقق في سلامة العقد دي، لو معملتش يبقى أنا كدولة قصرت»، مضيفًا: «ده منظور آخر مش منظور طبي أو عشان الإعاقة أو عدم الإنجاب أو كلام من هذا القبيل».
الزواج بموافقة لجنة يرأسها قاضي
وتابع السيسي كلامه قائلاً «ده أنا هخلي اللي يوافق على الزواج لجنة برئاسة قاضي وتروحلها النتائج مميكنة عن طريق وزارة الصحة إلى القاضي ده اللي هيدي تصرح سلامة التحاليل.. حد هيقولي انت بتعقدها ولا إيه لا والله ده أنا بطمن الأب والأم اللي عندهم أبناء».