وجه الرئيس عبد الفتاح السيسي في كلمته في الجلسة الختامية للمؤتمر الاقتصادي المصري بالبدء الفوري في وضع السياسات والتشريعات اللازمة لتنفيذ توصيات المؤتمر الاقتصادي، وتوصيات الخبراء الاقتصاديين كخارطة طريق للعملية الاقتصادية في مصر في السنوات المقبلة، بينما وجه الحكومة لتقييم شامل للتدابير المتخذة لضمان فعاليتها اقترح الرئيس السيسي إنشاء مجلس إدارة لمتابعة المسار السياسي والتشريعي الذي أوصى به المؤتمر الاقتصادي.
أبرز تصريحات الرئيس السيسي اليوم
قال الرئيس عبد الفتاح السيسي، إنه حاول الاستفادة من الرصيد الشعبي والحشد، بمسار تستفيد منه الدولة المصرية، متابعا: “يعني إيه.. اعتبرت أن مسار إحدى الدول في الحرب العالمية الثانية، دون ذكرها، الناجم عن دمار حصل فيها وهي دولة كبيرة أوي.. الشعب استخدم الحاكم اللى مسك وقتها كمسار فكرى، وتحمل تبعات البناء.. لكن الحاكم لو كان ساب المجتمع 20 سنة، لم يكن يصل لتلك اللحظة”.
قال الرئيس عبد الفتاح السيسي، إنه يجب كُره الفقر وعلى الجميع أن ينهض لتغييره، مضيفا: “لا يجب أن أكره سلوكيات الفقر، ولكن الفقر نفسه وأستهدف الفقر ونغيره مع بعض، وأنا هقولكم على حاجة بالنسبة للمدرس، مفيش شباب يساعد مع مديريات التعليم في المحافظات للتدخل بشكل لطيف مع المجموعة الموجودة يشجعهم.. ما المرتبات تعبانة، أيوة تعبانة”.
كلمة الرئيس السيسي بشأن الخدمات الصحية
وأردف: “بالنسبة لكل مستشفيات مصر، تعالى ياللي مهتم بالعمل في المجال ده اعمل معايا اتفاق، هديك المستشفى واقفة على رجلها زي الفل، ولو بصرف على المستشفى 50 مليون جنيه في السنة هدفعهم، بس تعالى ديرها بنظام انت بنظام استثماري مقابل نصيبي، ده متاح لكل المستشفيات في مصر، وأنت ديرها بكفاءة القطاع الخاص وحسنه، وأنا صاحب مصلحة، ولو وصلنا لتحسين الخدمة الطبية، الخدمة هتتحسن، وعرضنا الكلام ده من زمان”.
كلمة الرئيس السيسي بشأن أساسيات الزراعة المصرية
تحدث الرئيس عبد الفتاح السيسي عن أساسيات الزراعة المصرية، قائلا: “البنية الأساسية لتجهيز الأراضى للزراعة من أيام محمد على ومن عام 1805 وإحنا طالعين.. مكنش عنده مشكلة لأن المياه بتيجى من فوق ونازلة لتحت.. والحل بس يعمل قناطر وجسور.. حسن الزراعة وبقى عندنا حوالى من 4-5 ملايين فدان.. والدولة استوعبت المبلغ الخاص لتنفيذ هذا الأمر”.
وأضاف الرئيس السيسي، خلال كلمته فى الجلسة الختامية للمؤتمر الاقتصادى: “لما بنقول مليون فدان يتكلفوا 150 مليار جنيه.. ده كله علشان بس أزرعهم.. 150 مليار جنيه من أجل تجهيز مليون فدان.. لأن الأرض اللى كانت بتتروى رى مريح.. خلصت؟.. وحتى محطات المعالجة نقدر نستفيد فيها بكل نقطة مياه.. هل حد مستعد للاستثمار؟.. مستعدين للاستثمار سواء داخل مصر أو بره مصر يصرف كده”.
وتابع الرئيس السيسي: “أي مستثمر بيحسب الأول ومن حقه وده طبيعى.. ليه طبيعى.. لأنه فى النهاية مش جايب فلوس يفرقها.. عاوز يكسب.. الدولة مضطرة تدخل فى الموضوع لأنه أمن قومى.. اللى بينى وما بين 3 ملايين فدان طاقة عمل بس.. لازم أعمل كده وأدخلهم فى الإنتاج المحلى للدولة المصرية.. وممكن طرحهم للناس.. مشروع بالطريقة دى صعب يتعمل.. حد يقول حط المبلغ ده في الموضوع.. وأنا بسمع كتير.. يعني بحب أسمع وأقرأ وأسجل”.
كلمة الرئيس السيسي بخصوص التعليم
تحدث الرئيس عبدالفتاح السيسي، عن قضايا التعليم، قائلا: “في التعليم تعالي نتكلم وفيه كلام بنسمعه جوة القاعات مع المتخصصين وكلام تاني عن الواقع في مصر.. طيب عاوزين تغيروه؟ ولا لأ؟.. واحد يقولي التعليم إيه علاقته بالاقتصاد؟ جودة التعليم اللى هتقدم هتقدر.. يا ترى المنتج هيبقا عامل ازاى؟”.
أضاف الرئيس السيسي خلال الجلسة الختامية للمؤتمر الاقتصادي مصر 2022: “25 مليون دول كام للواحد في السنة، في الدول المحترمة والقادرة بتدفع 10 آلاف دولار للطالب في السنة يعني عاوزين 250 مليار دولار علشان أعمل التعليم ده فى التعليم الأساسي والجامعى حاجة تانية.. أنا حولتهم لجنيه قلت نديهم 250 مليار جنيه طيب هل الموازنة تقدر تعمل كده؟”.
أضاف الرئيس السيسي، في كلمته بالجلسة الختامية للمؤتمر الاقتصادي: “أنا مهتم بكله، ولما تيجي تتكلم مع وزير التعليم العالي وتقوله أضفت كام جامعة، يجي يقولك إيه، دول بيعملوا الجامعات الأهلية للأغنياء، لأ.. أنا بعمل مسار أطور به التعليم بتكلفة مالية أقل علشان أقدر أحسن في بيئة التعليم، والمسار المتوازي هو، عندي قبح وعندي حسن، أخلص القبح؟ ولا أعمل الحسن؟.. أنا رأيي أعمل الحسن وأزود فيه وأقلل في القبح، ده اللي أنا وأي إجراء بعمله في أي حاجة في البلد، هدفه أن أتخلص من القبح في كل شئ”.