هاجم حسين حبيب، نجله الفنان حسام حبيب بعد التصريحات التي أدلها بها الأخير في مداخلة هاتفية مع الإعلامي عمرو أديب ببرنامج الحكاية أمس الجمعة، والتي كشف فيها الكثير من التفاصيل حول أزمة الفنانة شيرين وأكد أنه أهلها يطمعون في أموالها، وأنه كان يقف أمام أهلها لعدم استغلالها.
ونشر والد حسام حبيب من خلال صفحته الشحصية على موقع التواصل الاجتماعي فيسبوك منشورا للرد على تصريحاته نجله، حيث قال ” قولوا الحق ولو علي أنفسكم، هو ينفع أخالف شرع ربنا بحجة أني أحمي أولادي البنات ليها الثلثين والأهل ليهم الثلث بعد عمر طويل.. وده يخلي الأهل راضيين ويراعوا البنات بعد عمر طويل، ودي صلة رحم”.
وأضاف أن نجله يزرع العداوة بين شيرين وأهلها قائلا: “أنت كده مش بتحافظ على مال زوجتك أنت بتخالف شرع ربنا، والنتيجة أنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صله الرحم وعاصي أبوك.. ضيعت نفسك وضيعت البنت معاك”.
الزوج يتعوض والأخ ما يتعوضوش
ووجه والد حسام حبيب حديث مؤثر إلى نجله خلال رسالته بقوله: “هو ينفع أخوها بقاله أكتر من عشرين سنة بيراعي أخته وهي مصدر رزقه أجي اقفل عليه الحنفية؟، ويقعد أربع سنين من غير شغل وراجع تاني تقفل عليه الحنفية.. هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش.. دي كلمه حق لوجه الله والدين النصيحة”.
أنت بتطلع شيرين عبيطة وسفيهة
وهاجم والد حسام حبيب نجله بقوله: “أنت بتقول لما رجعت ليها العربية، واحد بيشتغل معاها أخد العربية اللي بـ 5 مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وأنها بتكتب شيكات للناس على بياض.. أنت كده بتدي مبرر لأهلها ليحجروا عليها وبتطلعها أنها سفيهه وعبيطه وأنا من معرفتي بيها إنها واعية وناصحة، بتيجي تكحلها تعميها.. اسأل أبوك يقولك تقول ايه، أنت بتقول أنك عمرك ما اخدت منها فلوس وأهلها عايشين على قفاها وأنك ما بتشتغلش أربع سنين كنت عايش على قفا مين!”.
واختتم حبيب منشوره بقوله: “هي قالت لي يابابا أنا عايزه أتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، اخدت مني مليون جنيه عشان تشطب فيلتك وما تعيش في بيت مراتك وها اردهملك.. ومن ساعة ما اتطلقت، وأنا بصرف عليك ورايح تقول لعمرو أديب وتهاجمني لتاني مره أنك ماتعرفنيش من 14سنه.. ما بتعرفنيش إلا للمصلحة وعشان تاخد فلوس وما دخلتش بيتى سبع سنين، وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه بطل حجج وخليك راجل.. أنت فعلا مش تربيتي أنت تربية واحدة ست طلعت من بيت مامي على بيت مراتك يا أخي عرتنا”.
تصريحات حسام حبيب مع عمرو أديب
وكان حسام حبيب قد أدلى بتصريحات مثيرة مع الإعلامي عمرو أديب أمس الجمعة، حيث قال إن ” العلاقة اللي كانت بني وبين شيرين أنها كانت بتستنجد بيا عشان كانت عايزة تخرج من المحيط اللي هي فيه وعشان هي كانت صديقة مقربة جدا وغالية جدا على قلبي فأنا كرست حياتي كلها ليها عشان كده اتجوزنا ولما ده حصل كان وجودي غير مستحب لكل اللي حواليها علشان الحنفية اتقفلت مابقاش حد يعرف ياخد منها حاجة”.
وأضاف حبيب في تصريحاته أمس: “ما اتجوزت شيرين كان عندي فلوس أكتر منها وعمري ما خدت جنيه وكنت بحاول أكبر لها فلوسها، ولكن فيه ناس بيشتغلوا معاها وعايشين من خيرها هما اللي بيحاولوا يفرقونا وهي بتكافح وتروح وتتمرمط عشان يعيشوا هما وعاوزين يمتلكوها وأنا كنت هدفهم ومش هنكر أنهم نجحوا يفرقوا ما بينا”.
وعن تنازله عن العربية قال حبيب: “أنا تنازلت عن عربيتي لأنها مش بتاعت شيرين أصلا وهي جت قالتلي أنت من حقك تاخد نسبة من الأغاني، ورفضت ولقيتها فجأة جيبالي عربية وقالتلي دي أقل من حقك واتخانقنا بسببها ووافقت أخدها في الآخر وهي باسمي والعربية هدية، وعمري ما كنت عنيف مع ست ومتكلمتش لأني خوفت عليها ومدافعتش عن نفسي لأني متربي وخوفت لما اتكلم شيرين تتعرض لهجوم، وعمري ما كنت توكسيك أو عنيف مع ست دي كانت علاقة نقية والحب بيننا فضل موجود وقالت لي إنها هتعوضني وإني تعبت معاها.”
حبيب يرد على إدمان شيرين المخدرات
وقال حسام حبيب عن إدمان الفنانة شيرين: ” لا يمكن يكون ليا دعوة بـ إدمان شيرين ودا كان سبب خلافنا وكنت بنصحها تشتغل أكتر لكن أنا بدمر شيرين عشان متعملش فلوس! اللي بيدمروها هما اللي عايزين يحجروا عليها ودا اتقالي بالحرف من شخص ما وقال لي إنه معاه توكيل رسمي وهيسحب فلوسها”.
وأضاف: “نصحت شيرين تأمن بناتها وهي عندها فلوس برة وأنا فتحت ليها حسابات بره مصر وحطيت فيها فلوسها وكل حاجة لبناتها وكل اللي بيخطط لأخذ أملاكها ده مش هيحصل علشان كل حاجة متئمنة لصالح بناتها”.