انطلقت أغنية جديدة للنجم الكبير “عمرو دياب” بعنوان “اللى يمشى يمشى” وتعد الأغنية هي الثانية من ألبوم 2022، حيث طرح في أول أيام عيد الفطر أغنية بعنوان هتدلع، وحققت نجاح ساحق أغنية اللي يمشي يمشي كلمات تامر حسين، لحن مدين، توزيع توما، ميكساج وديجيتال ماستر أمير محروس، ومن خلال تلك التقرير نوضح لكل عشاق الهضبة كلمات الأغنية الجديدة “اللي يمشي يمشي”.
كلمات أغنية اللي يمشي يمشي عمرو دياب
وتقول كلمات الأغنية:
اللى يمشى يمشى
عينى على ناس أمِنتها
إتأذيت مِنها بعدها
نزلوا مِن نظرى
مش حاقول عُذرى
دول عالم عارفه نفسها
قلبى ولا طيبته نِفعته
واللى يوم سِكنُه موته
دُنيا بتعرى
ياما بتورى
كله على قد نيته
اللى يمشى يمشى زى بعضه
يبقى فضىّ سكة للى بعده
فى النداله ناس كتيرة عدوا
دول ماشاء الله
حُب مِين ده كله منفعه
كله بقى عنده أقنعه
مين بقى برىء مين إدعىّ
مين حاتستثناه ؟
اللى حبونا مثلوا
واللى وعودونا كسلوا
يوفوا ب وعودهم
و الله يسعدهم
واللى له طريق يكمله
اللى ملىّ ايده مِننا
إفتكر نفسهُ حلمنا
فِهمهُ على قده
الغرور واخده
لِسه ماعرِفش طبعنا
اللى شاف نفسه وإفترىّ
واللى بيبيعنى فى الدرىّ
واللى مديت له
إيدى وصفيتله
طبعه هو المُشكلة
أرمى ورا ضهرى كُل ده
ايه اللى يجبرنى على كده
ياللا أشوف نفسي
حبة مِن نفسي
فى إختيار أحلى مِن كدة ؟
أغنية عمرو دياب الجديدة تتصدر تريند تويتر
ومن الجدير بالذكر أنه مع أول ايام عيد الفطر المبارك تصدر عمرو دياب تريند تويتر بأغنية هتدلع وحققت نجاح باهر في وقت قصيرة الأغنية كانت من كلمات محمد القاياتي، ومن ألحان محمد يحيى، ومن توزيع أحمد ابراهيم.