قال الدكتور مصطفى مدبولي، رئيس مجلس الوزراء، إنه في ظل المجهودات الهائلة في استصلاح الأراضي الزراعية، إلى جانب المبالغ الطائلة التي تنفقها الدولة في استصلاح تلك الأراضي، بداية من معالجة المياه أولاً، لأن طبعا كل مشروعات الاستصلاح على نفس كمية المياه، خاصة أننا تستثمر عشرات المليات في إعادة تدوير المياه، ومعالجتها والاستفادة من كل نقطة مياه علشان تزويد رقعة الأراضي الزراعية في ظل تلك الجهود نفاجئ باستمرار ظاهرة التعدي على الأراضي الزراعية.
ضياع آلاف الأفدنة الزراعية
وتابع رئيس مجلس الوزراء أن الحكومة تستثمر في الأراضي الزراعية علشان تطلع فدان واحد ينتج في حين أن الأراضي الزراعية اللي ربنا مديهالنا نقوم نبني عليها، لأن اللي بيتعدى على الأراضي الزراعية مش فرد بل آلاف والنتيجة ضياع آلاف الأفدنة، فعلشان كده أصبح التعدي على الأراضي الزراعية قضية أمن قومي، فلازم يكون فيه يد قوية من الدولة وعقاب شديد على المتعدين على الأراضي الزراعية.
التعدي على الأراضي الزراعية جريمة في حق الوطن
وأضاف الدكتور مصطفى مدبولي: المتعدين على الأراضي الزراعية بيجرم في حق الوطن وفي حق الأجيال المستقبلية، لأن النتيجة الطبيعية لكل حالات التعدي على الأراضي الزراعية إننا مش هنلاقي ناكل، فعلشان كده فيه إجراءات بنتخذها، وفيه قوانين هتتم مناقشتها في مجلس النواب لمواجهة تلك الظاهرة، ومصادرة المخالفة التي يتم ارتكابها لأن تلك قضية أمن قومي.
التعدي على الأراضي الزراعية جريمة في حق ولادنا
وأوضح رئيس مجلس الوزراء أن الدولة لوحدها مش هاتقدر تتوقف لكن لازم يكون هناك تعاون وتشارك من المواطن، فمش معقول هانفضل نجري ورا المواطن هنا وهنا علشان نمنع عملية البناء، لان اللي بيحصل أن الناس بتبني في يومين تلاتة، وبيروح في قلب الأرض الزراعية ويبني علشان ماحدش ياخد باله الموضوع مش سباق، فليه من البداية بنروح نعمل إجراء غير قانوني لازم يكون عندنا وعي لأن دي جريمة في حق ولادنا، فلازم يكون عندنا وعي ونبرز مدى أضرار البناء على الأراضي الزراعية.