علق أحمد مرتضى منصور، عضو مجلس إدارة نادي الزمالك، على المكالمة المسربة التي جمعته هو وأخيه أمير مرتضى: العملية الانتخابية انتهت، وأنا بطالب جميع أبناء نادي الزمالك الوقوف بجانب النادي، مش ممكن يكون هناك مجلس إدارة نجخ في الانتخابات ونفضل نقعد 4 سنين ناس تتخانق وبتحاول تهد في النادي”.
أحمد مرتضى منصور يرد على تسريب المكالمات
وتابع أحمد مرتضى منصور، خلال مداخلة هاتفية لبرنامج “في الجول” المذاع على قناة الحدث اليوم: يا جماعة مرتضى منصور ومجلس الإدارة مش هايفضل طول العمل في الزمالك، لكن مرتضى منصور هايبني نادي أكتوبر، وهايجي بعده رئيس وهكذا، مرتضى منصور هاياخد بطولات هاتفضل في دولاب بطولات النادي إحنا أجيال بتسلم بعض”.
وأوضح عضو مجلس إدارة نادي الزمالك: بصرف النظر عن المكالمة المسربة، كامل الاحترام لأيمن يونس، فهو رمز من رموز نادي الزمالك، وأنا باعتبره زميلي السابق في مجلس الإدارة مع كمال درويش، اتعلمت منه كتير، ليه كل الاحترام والتقدير، إضافة إلى المستشار أحمد جلال إبراهيم، ده زميلي وأخويا وأنا دخلت النادي شوفت والده المستشار جلال إبراهيم كان رئيس النادي قامة كبيرة جدًا”.
أحمد مرتضى وأحمد جلال إبراهيم
وأضاف أحمد مرتضى منصور، أحمد جلال إبراهيم وقف معايا في الانتخابات لكنه مانزلش، يهمه مصلحة الزمالك أيا كان الرئيس على مر العصور، خالد لطيف جده وجد جده هما ولاد النادي، فمش ممكن علشان الانتخابات ندخل ناس كبار في حاجة زي كده، الانتخابات انتهت اللي نجح نجح، أنا محتاج المستشار أحمد جلال إبراهيم لأنه قيمة كبيرة في النادي، محتاج واحد زي أيمن يونس، يفضل جنبنا لأنه قامة كبير، محتاجين نلم بعض مش نفرق بعض، محتاجين الناس الكبار يعملوا مبادرة لـ لم شمل نادي الزمالك، ونتجاوز الخلافات كلها، فأنا وأمير مرتضى جيل صاعد في نادي الزمالك، أنت مش بتضرب نادي الزمالك، أنت بتضرب جيل صاعد داخل النادي”.
مهمات مجلس الإدارة الجديد
وأشار أحمد مرتضى منصور، إلى أنه لدينا مهمات ثقيلة، عندنا فرق رياضية تم تجريفه، قطاع الناشئين والفريق الأول، عندنا 11 لاعبا محتاجين يجددوا عقودهم، إلى جانب 30 أو 40 لاعبا في الألعاب الأخرى، محتاجين يجددوا عقودهم، كل ده محتاج مناخ جيد، محتاج استقرار، فإحنا بنطالب بمبادرة لـ لم الشمل، فبدل ما نقعد نتفرغ للخلافات وفبركة مكالمات ومحاولات التلصص، ما نضيع الوقت ده في البناء، نادي أكتوبر هيتكلف حوالي أكثر 2 مليار جنيه، وطبعا إحنا كمجلس إدارة محتاجين نحط أيدينا في أيد بعض، وجيم الانتخابات خلص خلاص.